الرئيسية / عام / حكاية عن فضل الصلاة على النبي صل الله عليه وسلم

حكاية عن فضل الصلاة على النبي صل الله عليه وسلم

حكاية عن فضل الصلاة على النبي صل الله عليه وسلم

رجع اخويا من المستشفي وهوه في حاله مش طبيعيه وعمال يقول ويكرر انا مش مصدق -انا مش مصدق

سالته قلت له فيه ايه — مااالك

علي فكره اخويا رئيس قسم العمليات بمستشفي معينه – المهم

المهم لقيته بيقول لي — حصلت لي الوقتي حكايه اغرب من الخيال — وعلي فكره الكلام ده وهوه كان راجع بالليل

قلت له خير — خضتني –فيه ايه

قال لي شوفي يا ستي الحكايه

كان فيه عمليه ولاده قيصريه في غرفه العمليات وانا كنت مرهق من الشغل طول النهار ويظهر اني كنت من الاجهاد مكشر شويه

المهم لقيت المريضه اللي هتعمل القيصريه بتقول لي ببشاشه — انت مكشر ليه –ما تصلي علي النبي

قلت لها عليه الصلاه والسلام

لقيت مره تانيه المريضه اللي هتعمل قيصريه وهيه فتاه صغيره في السن بتقول لي

لاااا — انت لسه مكشر — اضحك وانت بتصلي علي النبي

فضحكت وقلت لها –عليه افضل الصلاه واتم التسليم خير الخلق اجمعين

واستغربت بيني وبين نفسي من جمال روح البنت دي وحبها للنبي عليه الصلاه والسلاام وهيه في غرفه العمليات وبتفتكر الصلاه عليه

المهم خلصت العمليه بتاعه البنت دي وكانت اول عمليه واشتغلنا بعدها كذا عمليه

وجيت خارج من قسم العمليات علشان أروح البيت ولقيت حاجه في عقلي عماله تزن وتقول لي

لازم تروح قسم النسا والولاده

طيب انا مالي ومال قسم النسا والولاده — انا رئيس العمليات والحمد لله العمليات خلصت بسلام ومهمتي انتهت

وكل مريض راح علي القسم بتاعه والقسم بتاعه هوه اللي يتابعه بقي

لكن والله العظيم الصوت فضل يرررررن في وداااني — لازم تروح قسم النسا والولاده — لاااازم تروح

ورحت قسم النسا والولاده و لقيت واحده بتقول أه — أأه — أأأأأأأأه

رحت اشوفها –لقيتها البنت الطيبه اللي قالت لي (( أضحك وصلي علي النبي ))

مسكت ايدها وانا باقولها ماالك — ايه تااعبك

لقيت ايدها تلج — تلللللللللج — والنبض ما فيش — ياا نهاااار ابيض — صرخت في الممرضه بتاعه قسم النسا والولاده

انتي قستي لها الضغط اخر مره امتي — بصيتي عليها بعد خروجها من العمليات — انتي بتعملي ايه بالضبط

اجري بسرعه هاتي لي جهاز قياس الضغط ونادي دكتور النسا بتاعك

راحت وجت ومعاها جهاز الضغط ودكتور النسا — — قلت له قيس يا بيه ضغط العيانه اللي انت عملت لها العمليه

قاس الضغط ولقيت وشه أصفرررررررررررررررررر وقال 60 علي 30 قلت له شاااااااطر — بص بقي عليها من تحت كده

بص لقاها غرقانه في الدم وعماله بتنزف

المهم قعدت ادي منشطات للقلب وندي حقن لانقباض الرحم وحقن لرفع ضغط الدم لحد ما النزيف وقف والحمد لله

واخدت عينه دم من المريضه وقلت للممرضه خدي العينه دي للمعمل وخللي بتاع المعمل يعمل توافق ويحجز لها دم علشان تاخده

ردت الممرضه — الفني بتاع المعمل مش موجود ولسه هنتصل بيه — قلت الله يخررررب بيوتكم

طيب اتصلي بيه ياا ابله — وخليه ييحي بسرعه لان الحاله طوارئ وعلقي لها الدم بسرعه

المهم خدت عربيتي وغادرت المستشفي واذا بالصوت يرن تااني في وداني ووالله ده حصل

وقعد الصوت يرن في وداني ويقول لي — انزل اشرب حاجه ساقعه عند السوبر ماركت اللي علي ناصيه المستشفي

يااا عمي انا البيت قريب وهاشرب في البيت

الصوت يرن تااني ويكرر –انزل اشرب حاجه سااقعه عند السوبر ماركت اللي علي ناصيه المستشفي

وفعلا لقيت نفسي عطشاان — ونزلت وركنت العربيه ورحت السوبر ماركت ده

وانا باشرب الحاجه الساقعه لقيت ميييييييييييييييييين

لقيت فني المعمل قاااعد — قلت له انت ساايب المستشفي ليه – فيه حاله بتنزف ومحتااجه دم –روح فورا الوقتي اعمل لها توافق لعينه

الدم وخللي الممرضه تعلق لها كيسين دم

راح الراجل ماشي علي المستشفي وانا شربت الحاجه الساقعه وركبت العربيه علشان اروح البيت

والله العظيم والله العظيم –اذا بالصوت يرررررررررن في وداااني تااااااني ويقول لي

(( روووووووووووح اتاكد ان الدم اتعلق للمريضه اللي قالت لك صلي علي النبي ))

وأخدت عربيتي وانا مستغرب من اللي بيحصل ده وطلعت قسم النسا والولاده تاااني اشوف الدم اللي اتعلق للمريضه

واذا بالممرضه تقول لي — طبيب النسا المقيم — يعني اللي لسه بيتعلم ومش معاه اي شهاده غير البكالوريوس

رفض تعليق الدم للمريضه وقال حالتها كويسه ومش محتاجه دم

قلت لها أيييييييييييييييييه — هاتي لي التذكره بتاعه المريضه

وأخدت التنذكره وكتبت فيها (( ينقل لها عدد 2 كيس دم فووووورا من نفس الفصيله بعد عمل التوافق ))

ومضيت رئيس قسم العمليات — وانتظرت لحد ما تم تعليق كيس دم وشددت علي الممرضه اني هااحولهم كلهم للتحقيق

لو الكلام والتعليمات اللي انا كاتبها علي التذكره ما اتنفذتش

ونزلت واخدت عربيتي وصوتها عمال يرن في وداني (( اضحك بقي وصلي علي النبي ))

قلت له سبحان الله العظيم و افضل الصلاه واتم التسليم عليك يا نبي

وقلت لاازم احكي لكم الحكايه الغريبه دي علشان نعرف فضل الصلاه علي النبي عليه الصلاه والسلام

وفضل محبه النبي عليه الصلاه واتم السلام

ووالله العظيم — والله العظيم –والله العظيم –الحكايه دي حقيقيه حقيقيه حقيقيه

اقراء ايضا  امسك في حلمك وعافر , تمسك بالأمل ودع اليأس جانيا


p;hdm uk tqg hgwghm ugn hgkfd wg hggi ugdi ,sgl

اقراء ايضا

شاهد أيضاً

اعشاب سحرية لحرق الدهون في رمضان

إن كنتي بدأتي تلاحظين زيادة وزنك وتراكم الدهون في بعض المناطق من جسمك، نتيجة ضعفك …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *