الرئيسية / عام / أجمل قصائد ياسر التويرجي , اشعار التويرجي مكتوبة شعر بالعامية

أجمل قصائد ياسر التويرجي , اشعار التويرجي مكتوبة شعر بالعامية

(( ليلة عريس ))

أستريحي كنك المفروض في ليلـة عريـس
وأستغلّّي مـدة الديـان فـي وقـت الفلَـس

لاتعيديـن الخطايـا لاتحمـيّـن الوطـيـس
وأنتِ أدرى في طلوعك قبل دقـات الجـرس

ماابيك بدور ليلى لو عشقتـك عشـق قيـس
بس خلينـي أشوفـك ليـن ماآخـذ نفـس

أفرجي عنـي بعطفـك لا تخلينـي حبيـس
وأحبسيني وسط قلبك وأسطري عندي حرس

مابذلت أغلى اجتهادي .. كل جهدي بالنفيس
وماغرست الشوق فيني أنتِ اول من غـرس

ماعشقتك من غرور وعارفٍ درب الحويـس
الرجل لا رز خشمه غمض العيـن وعطـس

ماعشقتك عشق فارس يهتوي مهرة عويـس
عاشقك خيلٍ اصيل يموت في ذيـك الفـرس

خلي العذال تـدرع مـن قهرهـا بالحميـس
وأتركيهم خلف ظهـرك وأستهلـي بالدبـس

وإن حسبتي لي حساب وعدت للمنصب رئيس
بأخبرك بأني عشقتك بس مـن زود الونـس

قاهرتني في جراءة عين وطلـوع الخميـس
لين سويت التحدي بين عشقك .. والطفـس

وأحمد الله من كسبتـك ماكسبـت إلا لميـس
بنت لاسلطن دلعها خلـت الشاعـر خـرَس

لويعرف إبليس بأنه لاطـرى نلعـن إبليـس
كان لاشفتـه بدربـي دق لطمـه وإنتكـس

اقراء ايضا  اكسسوارات فخمة جدا , اكسيسوريز حريمي فخم جدا

وأنتِ أدرى في علومي والغلا لك يا.. لميـس
وفوق هـذا لا لمحتـك دق قلبـك وإنكبـس

علمونا نخاف فطره من نياشيـن البوليـس
بس وشلون نتعلم ناكل التمـر بعبـس ..!!؟

..

.

(( تقول بابا عمرها فوق عشرين )) (:

فــــــي الــبــدايـــة ..

تقول : بابا .. عمرها فوق عشريـن

وأنا: ” يبه” من يـوم ربـي خلقنـي

تخجل عذوق الذوق في منبت التيـن

وتسكن بروح اللـي حلاهـا سرقنـي

تركـب بسـاط مغيريـن القوانـيـن

لونـي بعيـد رضـاه للبعـد يدنـي

تمشي وتضحك .. في عيون المساكين

إلا أنـا يـوم إن حظـي رفعنـي !!

ما كنها إلا ” شيك ” صُدق من الصين

أو كن أبوها ” بيـك ” والبيـك يغنـي

والــنـــتـــيـــجـــة ..

طحـت بهواهـا دون كـل المزاييـن

وطاحت على عيني ملازيـم جفنـي!!

وفــــــي الـنـهــايــة ..

شفت الغرابه فـي رمـوز العناويـن

وشفت الوداع اللي كسرني .. واسرني

يوم غرست في هامة الأرض سكيـن

والطائـرة قالـت : تعالـي بمتنـي

..

.

(( الحواجز ))

رحـمـتــك يالله تــرحــم ضـعـفـنــا
يوم غـم الجـو واخفيـت الجـدي

اقراء ايضا  صور اسلامية جديدة بجودة عالية

يــوم هـمـي فـــوق مـتـنـي مـتّـنـا
والسلام عصـوف ريـحٍ ترعـدي

والضـروف أكبـر مـن اللـي ودنــا
والفراق الحـل .. والحـل الـردي

لاحـيـاة .. ولامـمــات .. ولاهـنــا
فـي حنايـا الضيـم ألقـى مقعـدي

إن سهـرت الليـل مــس ومسكـنـا
وإن غفيت افلام رعـبٍ تحشـدي

صـايـرٍ مابـيـن مـظـلـومٍ .. وأنـــا
أختلفـت وودي أعـرف مولـدي؟

والـكــرم لـلـيـأس كــــأسٍ مــدنــا
نشـربـه لـوهـو عليـنـا يجـهـدي

وش نــســوي دام هــــذا حـظـنــا
والـحـواجـز مـاتـعـدى بـالـعـدي

مـيـر صـبــرك يالحبـيـبـه بالـعـنـا
أصبـري يـاروح روحـي وبعـدي

لايـهــمــك دن دنـــــات ودنــدنـــا
وبلبة حساد .. وأغضي وأرقدي

دام أنـــا وأنـتــي تــلاقــى جــدنــا
نلتـقـي لـوهـب ريـــح جـلـمـدي

..

.

(( الفخ ))

مـابـيـك يـابـنــت الــحــلال اتـركـيـنـي
دربك وعر..ورمال..مكحـول فـي فـخ

أنــــا فـقـيــر ورأس مــالــي حـنـيـنـي
وأنـتـي مـتـونـك بالـلـذيـذات تـنــزخ

تـبــيــن لــنـــدن مـاتـحـبـيـن كـيــنــي
وسواق خاص ولبس فاخر من الجخ

وإلـيـا أهتـويـتـي قـلـتـي يالله تجـيـنـي
أسرع ترى شوقي علـى النـار يطبـخ

يـاهـيـه أصحي..وأعقلي..وأعـرفـيـنـي
أمــــوت عـــــز ولاتــذلـــل وألــبـــخ

يـلـعـن أبـــوك وجـــد جـــدك مهـيـنـي
وأنــا عـزيـز وكـــل ربـعــي مـطـنـخ

مــن لآبــةٍ يـسـوون عـنــدي سنـيـنـي
لضيـوفـهـم حـيــلٍ جــزالــي تــنــوخ

اقراء ايضا  أجمل الصور الحزينة والمكتوب عليها

والــحــب مــاهــو لــــك لوتزعـلـيـنـي
وحــزوم نـجـد لــرأس مثـلـك تكـمـخ

الـحــب يـبـقـى فـــي حـشـايـا دفـيـنـي
الـلـي عـلـى وكــره إلاجـيــت يـكـفـخ

أبـــــو عــيـــونٍ كـنــهــا جـمـرتـيـنـي
وأركـو عليهـا كـل الاوقــات بالنـفـخ

أشـتـاقـلـه لــوهــو مــوكـــر يـمـيـنــي
واصبر عليه شهـور مرسـوم بالمـخ

ومـــع الـسـلامــه لاتـقـولـيـن ويــنــي
روحـي عـسـاك بـوسـط نــارٍ تـبـوخ

عـسـاه لامـنـه حـيـى الـشــوق فـيـنـي
وسألـت قـالـوا مـاتـت الـعـام يــا أخ


H[lg rwhz] dhsv hgj,dv[d

اقراء ايضا

شاهد أيضاً

اعشاب سحرية لحرق الدهون في رمضان

إن كنتي بدأتي تلاحظين زيادة وزنك وتراكم الدهون في بعض المناطق من جسمك، نتيجة ضعفك …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *